У гадавіну пачатку паўнамаштабнага ўварвання Расеі ва Украіну 25 лютага незалежны тэатральны калектыў «BY TEATR» пакажа дакументальны спектакль «How are you?» у Варшаве.
❤ Усе сабраныя падчас паказу сродкі будуць пералічаныя на дапамогу «Цэнтру для перасяленцаў горада Херсона».
«How are you?» – гэта спектакль-вербацім, што расказвае рэальныя гісторыі людзей, якія апынуліся ва ўмовах вайны. Тут і гісторыі ўцекачоў з Кіева і Вінніцы, досвед эміграцыі ў Румыніі, Германіі, згадваюцца трагедыі Бучы і Марыупалю.
Спектакль выконваецца на ўкраінскай, беларускай і рускай мовах з польскімі субтытрамі.
Адрас: Foksal 11, Warszawa, Музей вольнай Беларусі
